Вебсайт Комплаенс

Таны вэбсайт бол дэлхийн хаанаас ч интернэтээр хандах хүн бүхэнд ил тод харагдах таны дэлгүүр юм. Тиймээс хэрэв та цахим худалдааны бизнесээ цэцэглэн хөгжүүлэхийг хүсч байгаа бол дараах шаардлагуудыг вэбсайтдаа тавих шаардлагатай.

• Хэрэглэгчид ээлтэй, уриалан дуудсан
• Ашиглах болон уншихад хялбар
• Хамтын ажиллагааг хөнгөвчилсөн
• Сайтад картаар төлбөр хийх боломжтой байх

Картаар гүйлгээ хийхэд олон төрлийн асуудал тулгардаг бөгөөд бид танд дараах тодорхой удирдамжийн дагуух арга хэмжээг авахийг зөвлөхөд бэлэн байна.

• Үүсч болох асуудлыг танилцуулах
• Удирдамжийн талаар зөвлөгөө өгөх
• Шаардлагын дагуу хэрэгцээтэй зөвлөмж өгөх
• Боломжит бүх бэрхшээлийг тодотгох

Уг дүрэм журам нь төлбөр төлөлт болон залилантай холбоотой эрсдлийг бууруулах тухай голчлон анхаарсан. Төлбөр төлөлтөөс ашиг хүртэхгүй байх эрсдлүүд:

• Ашигаас олсон орлогыг буцаах
• Худалдан авагчаас хэт их шимтгэл авах
• Картын схемээр торгууль ногдуулах

Мөн хамгийн муу тохиолдолд:

• Харилцагчийн эрхээ хаалгах. Ингэсэн тохиолдолд таны онлайн бизнесийн суваг хаагдах магадлалтай.

Төлбөрийн зохицуулалт нь тухайн сайтны агуулгаас эхэлдэг бөгөөд дараах зүйлсийг анхаараарай:

Бүтээгдхүүний тайлбарыг тодорхой байлгах – Энэ нь хэрэглэгчийн сэтгэл ханамжийг өндөр байлгахад тустай. Бүтээгдэхүүний мэдээлэл болон тайлбар нь:

• Боломжтой бол зураг ашиглах
• Буруу алдаатай мэдээллээс зайлсхийх

Хүргэлтийн иж бүрэн бодлого – Хүргэлтийн боломжит хувилбарууд, хүргэх хугацаа, холбогдох тээврийн зардлын талаар дэлгэрэнгүй мэдээлэх. Хүргэлттэй холбоотой хэсэг нь:

• Хэрэглэгчдэд хүргэлтийн хугацаа болон хойшилсон бол мэдээлэлдэг байх
• Бүтээгдэхүүний хүргэх хязгаарлалтыг онцлох

Төлбөрийг буцаан олгох, цуцлах талаархи товч мэдээлэл – Бүх буцаалт болон цуцлалттай холбоотой мэдээллийг хугацаа, нөхцөл, хязгаарлалт зэргийг багтааж харуулна. Уг дүрэм журам нь маш тодорхой байх ёстой бөгөөд аливаа нөхцөлд хэрэглэгчээс ‘Хүлээн зөвшөөрөх’ эсвэл ‘Хүлээн зөвшөөрлөө’ гэсэн товч дарахыг асууж байх хэрэгтэй.

* Тэнцвэргүй, хэт алдагдалтай бодлого нь үйлчлүүлэгчдийн сэтгэл ханамжийг муутгаж, улмаар төлбөрийг буцаахад хүргэж болзошгүйг санаарай.

Хэрэглэгчдэд туслах холбоос – Худалдан авагчид нь ямар нэгэн мэдээлэл лавлах эсвэл өөр ямар нэгэн зорилгоор сайтын эзэмшигчидтэй холбогдох боломжтой байх ёстой бөгөөд и-мэйл болон утасны дугаар, онлайн формыг сайт дээрээ байршуулах нь зүйтэй. Хэрэгцээт шаардлагууд:

• Дотоод боловсруулалтаа илүү үр дүнтэй байлгахын тулд хүргэлтийн, худалдан авалтын, хэрэглэгчийн зэрэг хэсгүүдэд өөр өөр и-мэйл болон утас ашиглах
• Автомат хариулагч ашиглаж хэрэглэгчид хурдан мэдээлэл өгөх
• Худалдан авагчийн худалдааг дэмжих жижиг мэдээллийг хэрэглэгчийн цонхонд байршуулах

*Хэрэглэгчийн худалдан авалтанд шаардагдах мэдээллийг хэт удаан хүлээлгэх нь хэрэглэгчээ алдах эрсдлийг бий болгодгийг анхаарна уу.

Гэрээ болон нөхцөл – Вэб сайтын зочдод вэб сайтыг ашиглах нөхцлийг бүрдүүлэх, түүнтэй холбоотой хариуцлагын хязгаарлалтуудыг тусгасан гэрээг ил тод байршуулсан байх. Гэрээ болон нөхцөл нь дараах зүйлсийг агуулсан байна:

• Дотоод боловсруулалтаа илүү үр дүнтэй байлгахын тулд хүргэлтийн, худалдан авалтын, хэрэглэгчийн зэрэг хэсгүүдэд өөр өөр и-мэйл болон утас ашиглах
• Компанийн дүрэм журам болон гэрээний хэрэглээний талаар дэлгэрэнгүй мэдээллэх
• Төлбөр төлөлтийн талаарх мэдээллийг ямар үед хэрэглэгчийн данснаас зардлага гарах талаар тусгасан байх
• Хэрэглэгчийн банкны дансны хуулга дээр төлбөрийн гүйлгээний утга тодорхой тусгасан байх

*Хэрэглэгчийн мэдээллийн талаарх гэрээ, нөхцөлийн талаар вэб сайт дээрээ хэт жижигээр бичсэн байдаг. Үүнээс зайлсхийх хэрэгтэй.

Төлбөрийн хуудас дээр заавал шаардагдах мэдээллийг оруулах талбарууд тодорхой байх – Төлбөрийн хуудас дээр оруулсан карт эзэмшигчийн нэр ба тооцооны хаяг, бараа хүргэлтийн нэр ба хаяг, имэйл хаяг, утасны дугаар, ашигласан картын төрөл, картын дугаар, картын дуусах огноо болон баталгаажуулалтын код зэрэг мэдээллүүд нь хэрэглэгчийг таних, луйвар залилангийн гүйлгээний эрсдлийг үнэлэхэд ашиглагддаг. Төлбөрийн хуудас нь дараах байдлаар хийгдсэн байна:

• Заавал шаардагдах талбарт мэдээлэл оруулахад зөв буруу талаар анхааруулга өгдөг байх
• Худалдан авагч өмнө оруулсан мэдээлээ өөрчлөх боломжтой байх
• Дахин гүйлгээ хийхээс өмнө хэрэглэгчээс дэлгэцэнд зөвшөөрөл авдаг байх, хялбар татгалзах боломжтой байх
• Давхар гүйлгээнээс сэргийлэх хяналтыг ажилтанаар гүйцэтгүүлдэг байх
• Карт болон карт эзэмшигчийн мэдээлэл бүрэн зөв болохоос өмнө гүйлгээ хийх хүсэлтийг баталгаажуулдаггүй байх

Дүрэм журам нь цахим худалдааг сонирхол татахуйц, тааламжтай болон аюулгүй найдвартай худалдаа хийхэд дөхөм болохуйц байх ёстой. Үүнийг хангахын тулд вэбсайт нь дараах зүйлсийг агуулсан байна:

• Төлбөрийн хуудас дээр Мерчантын үндсэн мэдээллүүд байх – Таны төлбөрийн хуудас дараах агуулгатай байна:
• Мерчантын нэр болон лого байх
• Үнэ болон гүйлгээний валютыг тодорхой харуулах
• Хүргэлтийн төлбөр болон нэмэлт татварын (tax) мэдээллийг тус тусад нь харуулах
• Хэрэглэгчдэд төлбөрийн мэдээллийн аюулгүй байдлын талаар тусгайлан мэдээллэх
• Зөвшөөрөгдсөн картын төрлүүдийг харуулах
• Хэрэглэгчийн банкны хуулга дээр гүйлгээ тодорхой байх
• Мерчанттай холбогдох мэдээлэл байх
• Мерчантын бодлоготой холбоотой бүх холбоосуудыг харуулах
• Хэрэв динамик валютын сонголттой бол – Хэрэглэгчдэд валютын сонгох боломжийг нь олгоно. Валютын хөрвүүлэг хийх шаардлагатай үед нь хөрвөх боломжит валютын хамгийн бага ханшийг санал болгодог байх эсвэл худалдан авагчийн банк талд хаалт хийхэд валютын хөрвүүлэг нь хийгддэг боломжтой байх.

Хувь хүний мэдээллийн нууцлалын бодлого үндсэн хуудсанд байх – ингэснээр хэрэглэгч өөрийн хувийн мэдээллийг нь хэрхэн ашиглаж байгаа талаарх эргэлзээг арилгах юм. Таны хэрэглэгчийн хувийн мэдээллийн нууцлалын бодлого нь дараах агуулгатай байж болно:

• Хэрэглэгч тухайн асуудалд татгалзах боломж, тохиргоотой байх
• Зөвшөөрлөөр албан ёсоор баталгаажууладаг байх

Хувь хүний мэдээллийн нууцлалын бодлого байхгүй бол бодит эрсдэл учрах бүрд та өөрийн хэрэглэгчдийнхээ итгэл, үнэмшлийг алдсаар байх болно.